الشاعر والإعلامي السعودي عبد الله الهامس:
الشعر يدعوني ولا أبحث عنه

في العدد القادم نتعرف عن قرب على الشاعر والإعلامي عبد الله الهامس
أما اليوم فندعكم مع مجموعة من قصائده المميزة
 

العنود

فيه صوتٍ لا سمعته كني أسمع شـوشره

____________ وفيه صــوتٍ لا دعــــاني كن فيـه من الأذان

للنـــــدا لبيت كلّــي في سبيــــل البعثـــره

____________ ياحيـــاتي يالشقا وإلا حيــــــاة أهـل الهـوان

ما يخـــالف دام كلتـــا الحــالتين المغفـره

____________ واعترافي دون غـايه ليس من سحـر البيان

صبني تكفى قصيــدي في وعــــائه ثرثره

____________ خلني أنســــاب طــــاعه تحت وطئات اللبـان

خلّنــي في كل أصّــــه لا حكتـــها بختــــره

____________ خلّني في كـــل غصّـــه للشهيق الترجمـــــان

العنــــود اللي خـــذتني من يــــدي للمقبره

____________ احمــد الله ما خـذت غيــري على ذاك المكان

ليتني لا مــت فيــــــها كــــل مــــا بي تنثره

____________ من يقـول اني سكنت فـ (غير) جنتها جنـــان

شفت فيها الحور بين الخلق يضحك مرمره

____________ والحنان اللي عرفته صـدق ما هو بس حنان

فيها ثقل الما على الما لا صخب لا جمهره

____________ فيها حتى النـور وده لا بـدت ما عــــاد يبـان

فيها جـــــود البدو يكبر وش بقى ما تنحره

____________ فيها غنج أهـــل المدينه ينتظر منــها بنـــان

فيها طيبــة قلب لكن طيبـــها مــــا تـــذكره

____________ فيهــا قوة بــــاس لكن بــــاسها أمن وآمـان

بنت ابــوها ما استقـــام الزين ألا وتقهره

____________ حسنهـا مو شي عادي حسنها جملة حسان

عقبها كل القصـــايد مسخــره او مسخـره

____________ ليتها تعــذر قصيدي زل قصّــر لان هـــــان

العنــــــود اللي خذتني من يــــدي للمقبره

____________احمد الله ما خذت غيري على نفس المكــان